خبرگزاری دید: تاجیکستان با نشر بیانیه‌ای نسبت به ناآرامی‌های اخیر در قزاقستان ابراز نگرانی کرده و از آمادگی برای ارسال نیرو به این کشور خبرداده است.


در این بیانیه همچنین گفته شده که تاجیکستان از وجود گروه‌های مسلّح غیرقانونی در قزاقستان که صاحب اسلحه و مهمات جنگی شده‌اند، نگران است.
در بیانیه وزارت خارجه تاجیکستان ابراز امیدواری شده که از طریق گفت‌وگو در کوتاه ترین زمان به خشونت‌ها پایان داده شود.
همزمان تاجیکستان آمادگی خود را برای شرکت در عملیات در قزاقستان برای «رفع خطرات به میان آمده» اعلام کرده است.
تاجیکستان یکی از شش کشور عضو پیمان امنیت دسته‌جمعی کشورهای مستقل همسود است. در این پیمان روسیه، بلاروس، ارمنستان، تاجیکستان، قزاقستان و قیرقیزستان عضویت دارند.

کد خبر: 101616