خبرگزاری دید: در حاشیه نشست کشورهای همسود مستقل که به گونه مجازی برگزار شده بود، روسیه و تاجیکستان روی همکاری‌های اقتصادی و امنیتی تاکید کردند. افغانستان نیز یکی از محورهای این نشست بود.

ولادیمیر پوتین رییس‌ جمهور روسیه و امام‌علی رحمان رییس جمهور تاجیکستان در سن‌پترسبورگ روسیه در مورد همکاری‌های امنیتی و اقتصادی و وضعیت بشردوستانه در افغانستان بحث کرده‌اند.
به گزارش خاور( خبرگزاری دولتی تاجیکستان) رهبران دو کشور هم‌چنان بر همکاری‌ها برای ارایه کمک‌های بشردوستانه به مردم افغانستان نیز تأکید کرده‌اند.
امام‌علی رحمان این دیدار را فرصتی مناسب برای گفت‌وگو در مورد چشم‌انداز همکاری‌های دو کشور توصیف کرده است.
هم‌چنان در مورد اوضاع سیاسی در منطقه و جهان و نیز همکاری‌های امنیتی به ویژه در‌ مورد افغانستان، میان دو طرف گفت‌وگو شده است.
گفتنی است که محور نشست سران کشورهای مستقل همسود را مسایل مهم اقتصادی، سیاسی و امنیتی منطقه تشکیل می‌داد.

کد خبر: 101176