گلبدین حکمتیار در سفرش به پاکستان با شامحمود قریشی وزیر خارجه آن کشور دیدار کرده است. حکمتیار در این دیدار گفته‌است: ما پاکستان را خانه دوم مان می‌دانیم.

به گزارش خبرگزاری دید، گلبدین حکمتیار رهبر حزب اسلامی امروز دوشنبه (۲۸ میزان) به پاکستان سفر کرد. او پس از چاشت امروز با شاه‌محمود قریشی وزیر خارجه آن کشور دیدار کرده ‌است.
حکمتیار در این دیدار ضمن قدردانی از تلاش‌های پاکستان از بهر تسریع روند صلح کشور، گفته‌است: ما پاکستان را خانه‌دوم مان می‌دانیم.
آقای قریشی نیز گفته است که رهبران افغانستان یک فرصت استثنایی برای آوردن صلح به افغانستان از طریق گفت‌وگوهای میان‌افغانان در اختیار دارند.

با آن که حکمتیار در حکومت کشور سمت رسمی ندارد؛ اما او صبح امروز هنگام سفرش به پاکستان، در میدان هوایی بین‌المللی حامد کرزی در گفت‌وگو با رسانه‌ها گفت که با پیام صلح به این کشور سفر می‌کند.

کد خبر: 77625