آخرین اخبارافغانستانروند صلحسیاستصلح

خلیلزاد از همکاری تاجیکستان در روند صلح افغانستان ابراز رضایت کرد

زلمی خلیلزاد نماینده ویژه امریکا در امور صلح افغانستان که به دوشنبه سفر کرده، با امام‌علی رحمان رییس ‌جمهور تاجیکستان دیدار و گفت‌وگو کرد.


به نقل از خاور، زلمی خلیلزاد نماینده ویژه امریکا در امور صلح افغانستان در سفرش به تاجیکستان در مورد روند صلح، تحولات منطقه، جهان و نقش تاجیکستان در صلح و ثبات منطقه بحث و تبادل نظر کرد.
رییس‌ جمهور تاجیکستان در این دیدار اظهار داشته که کشورش از مذاکرات میان‌افغانی استقبال می‌کند و صلح و ثبات در افغانستان برای تاجیکستان اهمیت دارد.
طرفین بر ضرورت همکاری‌ها علیه تروریزم، افراط‌گرایی و مبارزه با قاچاق مواد مخدر نیز تاکید کرده‌اند.
خلیلزاد نیز پس از دیدار با رییس جمهور تاجیکستان در دوشنبه گفته است: همکاری دولت و مردم تاجیکستان برای برقراری صلح و ثبات در افغانستان رضایت‌بخش است.
وی افزوده است: افغانستان به عنوان پل ارتباطی میان کشورهای آسیای میانه و آسیای جنوبی است. صلح و ثبات در این کشور باعث رشد و توسعه تجارت و حمل و نقل کالا در منطقه خواهد شد.
گفتنی است که نماینده ویژه امریکا پیش از این به کابل آمده بود و با رهبران افغانستان در رابطه به آخرین تحولات روند صلح رایزنی کرد.

نوشته های مشابه

دکمه بازگشت به بالا