رهبران فرانسه و تاجیکستان در باره روابط دوجانبه، اوضاع افغانستان و همکاری‌ها تبادل نظر کردند.


به نقل از صدای امریکا، امانویل مکرون رییس جمهور فرانسه و امام علی رحمان، رییس جمهور تاجیکستان روز گذشته در پاریس ملاقات و در مورد افغانستان گفت‌وگو کردند.
مکرون قبل از آغاز گفت‌وگو به خبرنگاران گفته است: ما با رییس جمهور در مورد مساعدت فرانسه به تاجیکستان برای ثبات اوضاع (در افغانستان) صحبت خواهیم کرد.
وی تعهد کرده است که کشورش دولت تاجیکستان را در مقابل خطرات احتمالی از جانب طالبان در افغانستان کمک خواهد کرد.
مکرون در دیدار با رییس جمهور تاجیکستان گفته است: ما از نقش، تعهد و تقاضای شما که تغییرات در منطقه عوامل ثبات [در منطقه] است، استقبال می‌کنیم.
رییس جمهور فرانسه افزوده است که نباید هیچ‌گونه سازشی با گروه‌های تروریستی و همچنین ارزش‌هایی که ما از آن‌ها دفاع می‌کنیم، به ویژه حرمت زنان، صورت گیرد.

کد خبر: 97733