بررسی اوضاع افغانستان در نشست مقامات آسیای میانه و اروپا
خبرگزاری دید: وزارت امور خارجه تاجیکستان از برگزاری هفدهمین نشست وزرای امور خارجه کشورهای آسیای میانه و اتحادیه اروپا در دوشنبه خبر داد.
وزارت امور خارجه تاجیکستان در بیانیه‌ای اعلام کرده است که هفدهمین نشست وزرای امور خارجه کشورهای آسیای میانه و اتحادیه اروپا روز گذشته در شهر دوشنبه، پایتخت تاجیکستان برگزار شد.
در این نشست علاوه بر جوزپ بورل مسئول سیاست‌های خارجی و امنیتی اتحادیه اروپا وزرای امور خارجه ازبیکستان، قزاقستان، قرقیزستان، تاجیکستان و معاون وزیر امور خارجه ترکمنستان شرکت کردند.
مسایل مختلف چون روابط بین کشورهای آسیای میانه و اتحادیه اروپا، گسترش همکاری در زمینه‌های امنیتی و مقابله با تروریزم و وضعیت افغانستان مورد بررسی قرار گرفت.
مقامات ارشد کشورهای آسیای میانه و اتحادیه اروپا همچنین در مورد موضوعات منطقه‌ای، بین المللی، تغییرات اقلیمی، آب و انرژی نیز تبادل نظر کردند.
