امام علی رحمان رییس جمهور تاجیکستان به تازگی گفته است که سازمان‌های تروریستی مانند داعش می‌خواهد جمهوری‌های آسیای مرکزی را به کشورهای مذهبی تبدیل کند و به هر وسیله ممکن برای گرفتن قدرت تلاش می‌کند.
امام علی رحمان رییس جمهور تاجیکستان به تازگی گفته است که سازمان‌های تروریستی مانند داعش می‌خواهد جمهوری‌های آسیای مرکزی را به کشورهای مذهبی تبدیل کند و به هر وسیله ممکن برای گرفتن قدرت تلاش می‌کند.
به نقل از اوراسیا تایمز، امام علی رحمان رییس جمهور تاجیکستان در کنفرانس عمومی «همکاری‌های بین‌المللی و منطقه‌ای در مبارزه با تروریزم و منابع مالی آن، به شمول قاچاق مواد مخدر و جرایم سازمان یافته» که در شهر دوشنبه پایتخت تاجیکستان برگزار شده بود، گفته است:« اگر ما منطقه خود را در نظر داشته باشیم، باید توجه داشت که اعمال گروه‌های افراطی و رادیکال، تهدید جدی برای کشورهای آسیای مرکزی است.»
وی افزوده است:« آن‌ها اهداف مغرض خود را با شعارهای مذهبی مخفی می‌کنند و حامیان خود را زیر پرچم مبارزه برای عدالت اجتماعی جمع می‌کنند. با این حال، آن‌ها قصد دارند ساختار سکولار کشورهای منطقه را تغییر دهند و از همه ابزارها و روش ها برای گرفتن قدرت سیاسی استفاده می‌کنند.»
به گفته آقای رحمان، در حال حاضر اقدامات نیروهای تروریزم بین‌المللی و افراط گرایی پایه‌های امنیت بین‌المللی را مختل کرده، وضعیت ناپایدار را در مناطق مختلف جهان به وجود آورده و زندگی و رفاه شهروندان عادی را تهدید می‌کند.
رییس جمهور تاجیکستان خاطرنشان کرده است که تعدادی معین از اعضای شبکه‌های تروریزم بین‌المللی، از جمله داعش برای هدف خاصی به افغانستان منتقل می‌شود.
وی افزوده است:« تروریست‌ها را نمی‌توان به اصلاح‌طلب و رادیکال خوب و یا بد تقسیم کرد.»
