واکنش ارگ در برابر موشک‌پراکنی‌های اخیر پاکستان در کنر
سخنگوی ریاست جمهوری در واکنش به موشک‌پراکنی نظامیان پاکستانی از آن سوی خط دیورند، این اقدام پاکستان را به شدت محکوم کرده و آن را نقض آشکار قوانین بین‌المللی دانست.
سخنگوی ریاست جمهوری در واکنش به موشک‌پراکنی نظامیان پاکستانی از آن سوی خط دیورند، این اقدام پاکستان را به شدت محکوم کرده و آن را نقض آشکار قوانین بین‌المللی دانست.
به گزارش خبرگزاری دید، صدیق صدیقی سخنگوی ریاست جمهوری امروز سه‌شنبه (۷ عقرب) موشک‌پراکنی نظامیان پاکستان را به شدت محکوم کرده و آن را نقض آشکار قوانین بین‌المللی دانست.
آقای صدیقی در توییتی گفت:« حکومت افغانستان، موشک‌پراگنی‌های نظامیان پاکستانی را بر مناطق نزدیک به خط دیورند، نقض آشکار قوانین بین‌المللی دانسته و با شدت محکوم می‌کند.»
وی در ادامه افزود:« ما خواهان قطع فوری چنین اقدام‌هایی از جانب پاکستان هستیم.»
این در حالی است که موشک‌پراکنی نظامیان پاکستان در کنر روز گذشته جان ۳ فرد ملکی را گرفت.
