رایزنی اروپا و تاجیکستان درباره وضعیت امنیتی افغانستان

خبرگزاری دید: رییس جمهور تاجیکستان و رییس شورای اروپا در مورد وضعیت امنیتی افغانستان تبادل نظر کردند.

دفتر مطبوعاتی رهبر تاجیکستان اعلام کرد که امامعلی رحمان رییس جمهور این کشور و چارلز میشل رییس شورای اروپا در تماس تیلفونی همکاری‌ها بین تاجیکستان و اتحادیه اروپا و چشم‌انداز توسعه آن در زمینه‌های مورد علاقه دوجانبه را بررسی کردند.

گسترش همکاری‌های سیاسی، تجاری و اقتصادی نیز از جمله موضوعات مورد بحث خوانده شده است.

طرفین همچنین در مورد مسایل امنیتی از جمله وضعیت افغانستان و تقویت مرزهای تاجیکستان و افغانستان صحبت کردند.

رحمان از فعالیت مشترک برای اجرای سیاست‌های اقتصاد سبز و انرژی سبز حمایت کرده است.