شورش زندانیان در تاجیکستان ده‌ها کشته برجای گذاشت
مقامات تاجیک اعلام کرده‌اند که شورش در زندانی در نزدیکی دوشنبه پایتخت این کشور منجر به کشته شدن سه زندانبان و ده‌ها زندانی شده است.
مقامات تاجیک اعلام کرده‌اند که شورش در زندانی در نزدیکی دوشنبه پایتخت این کشور منجر به کشته شدن سه زندانبان و ده‌ها زندانی شده است.
وزارت عدلیه تاجیکستان امروز دوشنبه (۳۰ثور) اعلام کرد زندانیان شورشی سه نگهبان را در زندانی در این کشور کشته‌اند.
گفته شده که شورش در زندان فوق امنیتی در شهر «وحدت» در ۱۰ کیلومتری دوشنبه پایتخت، روی داد، زندانی که در آن افراط‌گرایان مذهبی از جمله تروریستان داعش محبوس هستند.
یک مقام امنیتی تاجیکستان به رویترز گفته است که در جریان این شورش ۲۹ زندانی نیز کشته شده‌اند.
گروه تروریستی داعش ماه نومبر گذشته مسئولیت به راه انداختن شورشی دیگر در زندانی در تاجیکستان را برعهده گرفته بود. این گروه همچنین ماه جولای سال گذشته میلادی مسئولیت حمله به گردشگران خارجی را در این کشور که به کشته شدن چهار نفر از آنان منجر شد، پذیرفته بود.
