آخرین اخبارجهانسیاست

پنتاگون: هلیکوپترهای افغانستان به طا-لبان داده نمی‌شود

خبرگزاری دید: سخنگوی وزارت دفاع امریکا گفته هرچند تصمیم نهایی تاکنون گرفته نشده، اما می‌توان فرض کرد که چرخبال‌های افغانستان در ازبیکستان و تاجیکستان به طا-لبان داده نمی‌شود.


جان کربی سخنگوی وزارت دفاع امریکا، روز گذشته در نشست خبری گفته‌ است که هنوز تصمیم نهایی در مورد چرخبال‌های نظامی افغانستان در کشورهای تاجیکستان و ازبیکستان گرفته نشده‌ است.
وی افزوده ‌است: فکر می‌کنم می‌توان فرض کرد که چرخبال‌ها به افغانستان فرستاده نخواهد شد تا طا-لبان از آن‌ها استفاده کنند.
پس از ورود طا-لبان به کابل، شماری از پیلوت‌های افغان حدود ۶۳ فروند هواپیما و چرخبال‌های ارتش را به کشورهای همسایه انتقال دادند.
ملا محمد یعقوب سرپرست وزارت دفاع حکومت طا-لبان چندی پیش خواستار بازگرداندن هواپیماهای افغانستان از تاجیکستان و ازبیکستان شده و تهدید کرد که حوصله طا-لبان را امتحان نکنند.
رویترز در گزارشی گفته بود که کشورهای تاجیکستان و ازبیکستان از امریکا خواسته‌اند این هواپیماها را نگه‌ دارند.

نوشته های مشابه

همچنین ببینید
بستن
دکمه بازگشت به بالا