توافق چین و تاجیکستان برای مبارزه با تروریزم

خبرگزاری دید: مقامات چین و تاجیکستان پس از رایزنی‌ها در مورد افغانستان بر تقویت مبارزه با تروریزم به توافق رسیدند. 

رستم امامعلی رییس مجلس تاجیکستان و هان جنگ معاون رییس‌جمهور چین در پکن درباره افغانستان گفت‌وگو کردند.

مقامات دو کشور با بررسی وضعیت افغانستان، بر گسترش همکاری تاجیکستان و چین برای مبارزه با تروریزم و قاچاق مواد مخدر توافق کردند.

تاجیکستان و چین همانند دیگر کشورها طا-لبان را به رسمیت نمی‌شناسد و بارها از این گروه خواسته‌اند که بر تعهدات خود بر مبارزه با تروریزم عمل کنند.

تاجیکستان نگران حضور گروه‌های تروریستی داعش و القاعده در مرزهاست.

چین هم به‌رغم روابط نزدیک با طا-لبان، از این گروه تعهد گرفته تا با گروه جنبش اسلامی ترکستان شرقی مبارزه کند.

گفتنی است که تاجیکستان در این اواخر ده‌ها پاسگاه مرزی در امتداد مرز افغانستان ایجاد کرده است.