د هېواد علماو او مخورو د طا-لبانو سره په کتنه کې: ځوانانو ته دې د زده کړې او کار زمینه برابره شي

دید خبری آژانس: د هيواد د بيلابيلو ولايتونو ديني عالمانو او مخورو د بهرنيو چارو وزارت له اداري مرستيال سره په کتنه کې د ځوانانو لپاره د زده کړې او کاري زمينې د برابرولو غوښتنه وکړه.

دیني عالمانو او مخورو د خپلو ستونزو او شکایتونو په وړاندې کولو سره له سرپرست حکومت څخه وغوښتل چې د ځوانانو لپاره د زده کړو او کاري فرصتونو په رامنځته کولو کې ځانګړې پاملرنه وکړي.

د حکومت رسنیز مرکز نن شنبه (د کب ۱۲مه) په یوه خبرپاڼه کې ویلي چې د هېواد د بېلابېلو ولایتونو د علماوو، مخورو او مجاهدینو یوې ډلې د رییس الوزرا له اداري مرستیال مولوي عبدالسلام حنفي سره وکتل.

په خبرپاڼه کې ویل شوي، چې په دې کتنه کې لومړی د نړیوال امنیت د تامین، د اقتصادي او سوداګریزو برخو د پراختیا او په هېواد کې د اداري فساد د له منځه وړلو په برخه کې د سرپرست حکومت له لاسته راوړنو څخه خوښي څرګنده کړه.

دیني عالمانو او مخورو د خپلو ستونزو او شکایتونو په وړاندې کولو سره له سرپرست حکومت څخه وغوښتل چې د ځوانانو لپاره د زده کړو او کاري فرصتونو په رامنځته کولو کې ځانګړې پاملرنه وکړي.

مولوي حنفي دا هم وويل، چې يادې شوې قضيې به هر څومره چې شونې وي، وڅېړل شي.