نامه سرگشاده عفو بین‌الملل به پاکستان: تصمیم اخراج اجباری پناهجویان افغانستانی را لغو کنید
خبرگزاری دید: مقامات ارشد سازمان عفو بین‌الملل در نامه سرگشاده به نخست‌وزیر دولت موقت پاکستان خواستار لغو تصمیم اخراج اجباری مهاجرین افغانستان از این کشور شده است.
عفو بین‌الملل به تازگی در صفحه اکس خود نوشته که مقام ارشد این سازمان در نامه سرگشاده به انوارالحق کاکر نخست‌وزیر پاکستان خواستار لغو تصمیم دولت برای اخراج اجباری مهاجرین ثبت ناشده افغانستان در اول نوامبر شده است.
عفو بین‌الملل در این مورد نوشته است: پاکستان با ۳۰ سال سابقه، میزبان بیشترین جمعیت پناهجویان افغان در جهان بوده است و عفو بین‌الملل از دولت درخواست می‌کند که به میزبانی پناهندگان مطابق با قوانین بین‌المللی حقوق بشر ادامه دهد.
این نامه در حالی نوشته شده که مهلت خروج مهاجرین غیزقانونی از پاکستان تا دو روز دیگر پایان می‌یابد و مقامات پاکستان بارها اعلان کرده از تصمیم خود بر نمی‌گردد.
