آخرین اخباراسلایدشوافغانستانخبر های مهمسیاست
کشورهای همسایه نشستی را امروز در مورد افغانستان برگزار می‌کنند
وزرای امور خارجه کشورهای همسایه افغانستان امروز به دعوت پاکستان نشست مجازی را در باره آخرین تحولات در افغانستان برگزار می‌کنند.
به گزارش خبرگزاری دید، وزارت امور خارجه پاکستان در خبرنامه‌ای اعلان کرده است که وزرای خارجه کشورهای همسایه افغانستان امروز چهارشنبه(۱۷ سنبله) نشست مجازی را پیرامون آخرین تحولات در افغانستان برگزار می‌کنند.
این نشست که به ریاست شاه محمود قریشی وزیر خارجه پاکستان برگزار می‌شود، جوانب قرار است در باره وضعیت افغانستان بحث و تبادل نظر کنند.
وزاری خارجه چین، ایران، تاجیکستان، ترکمنستان و ازبیکستان در نشست اشتراک می‌کنند.
این نشست پس از آن برگزار می‌شود که طالبان سه‌شنبه شب کابینه دولت جدید را در افغانستان اعلان کردند.
گفتنی است که این دومین نشستی است که پس از تصرف کشور از سوی طالبان به دعوت و میزبانی پاکستان برگزار می‌شود.
