رایزنی رهبران پاکستان و تاجیکستان در مورد افغانستان

عمران خان نخست‌وزیر پاکستان در تماس تیلفونی با امامعلی رحمان رییس جمهور تاجیکستان در باره موضوعات مورد علاقه و افغانستان تبادل نظر کردند.

به نقل از دیلی تایمز، عمران خان نخست‌وزیر پاکستان در تماس تیلفونی با امامعلی رحمان رییس جمهور تاجیکستان در باره تلاش‌ها برای صلح و ثبات دایمی در افغانستان رایزنی کردند.
نخست‌وزیر پاکستان در این تماس تیلفونی روی مصالحه ملی و رسیدگی به نیازهای بشری مردم افغانستان تأکید کرده است.
دو طرف همچنین به نقش مهم جامعه جهانی برای ارایه کمک‌های ضروری بشردوستانه نیز صحبت کرده‌اند.
دو رهبر توافق کردند تا در تلاش‌های شان برای حمایت از صلح و ثبات در افغانستان در تماس نزدیک باشند.
این گفت‌وگو پس از آن صورت می‌گیرد که تنش‌ها بین تاجیکستان و حکومت طا-لبان در این اواخر افزایش یافته است. روسیه نیز دو کشور را به گفت‌وگو ترغیب کرده‌ است.
با این حال، گزارش‌ها می‌رساند که قطعات انتحاری طا-لبان به مرز افغانستان و تاجیکستان اعزام شده است.